Martinsa-Fadesa presenta hoxe o novo ERE ante o Xulgado coruñés

Martinsa-Fadesa presenta hoxe o novo Expediente de Regulación de Emprego ante o Xulgado Mercantil da Coruña, sala encargada do proceso concursal no que está inmersa a compañía, informaron onte fontes da inmobiliaria.

Este ERE afecta a un total de 283 persoas, e non a 298 como anunciara a semana pasada a compañía, o que supón o 60 por cento do persoal actual e a máis do 90 por cento do persoal da entidade coruñesa que perderá 76 traballadores co que se quedará en 19.

A empresa abriu unha mesa de negociación en xaneiro na que presentou a sindicatos e representantes de traballadores a súa proposta, que foi rexeitada por maioría nas asembleas das distintas cidades onde Martinsa ten oficinas.

A desconformidade principal vén determinada pola inexistencia dun plan social, esixido polos sindicatos.
galiciahoxe