"Quen puidera namorala"

O candidato do PSdeG á presidencia da Xunta de Galicia, Emilio Pérez Touriño, regalou aos seus amigos de facebook o tema da campaña socialista "Quen puidera namorala" interpretado por Xoel López.

Podesdes escoitala aquí: http://www.psdeg-psoe.org/descargas/quenpuidera_xoel.mp3

Os arredor de 1.500 amigos que o líder socialista ten nesta rede social reciben, deste xeito unha primicia que será estreada mañá oficialmente no acto de presentación das candidaturas socialistas das catro provincias ás eleccións autonómicas.

Emilio Pérez Touriño amosou tamén a súa intención de seguir anunciando a través de internet novidades aos seus amigos, así como de continuar respondendo ás dubidas que lle formulen na rede.

O secretario xeral dos socialistas galegos manifestou sempre a súa preocupación por achegar aos cidadáns as novas tecnoloxías, unha aposta que se fai tamén evidente coa súa presenza na rede en espazos como o facebook ou as páxinas web touriño.net e touriño.tv.