Caixanova resiste

Todo o proceso de contactos es­tablecido para deseñar o futuro das caixas galegas, os pronun­ciamentos de ambas as entidades, dos partidos da oposición e dos axentes sociais a favor da galeguidade e solvencia seguen sen levar á fusión por detalle fun­damental: analizados todos os datos postos encima da mesa pola Xunta, Caixanova ratifícase no seu non á fusión con Caixa Ga­licia, á vez que pecha a porta a un enlace virtual ou sistema insti­tucional de protección á galega, e aprecia como única fórmula via­ble establecer unha alianza reversi­ble con dúas entidades de prestixio de fóra da comunidade, camiño que consideran "o mellor para ser­vir os intereses de Galicia".

Fontes do consello de admi­nistración de Caixanova que pre­fieren seguir no anonimato ra­tificaban o que xa detallaron a este xornal o día 24 pasado, o non rotundo ó enlace coa súa competidora do norte, a pesar das presións recibidas por par­te do presidente da Xunta, Alberto Núñez Feijóo, seguindo un esquema do que sería partidario Caixa Galicia. Nin fusión, nin SIP ga­laico, como barallou o PSdeG.

Para defender esta posición, ar­gumentan que nin unha nin outra vía servirían para crear unha caixa que mellore a solvencia e a solidez da suma das dous existentes. De­fenden como gran razón da súa negativa que a "sangría de em­pregos", que cifran en 2.000, impe­diría atender as obrigacións so­ciales da entidade resultante. En cambio, cren que un SIP con dúas caixas solventes e con elevada li­quidez, como podería ser o caso de Cajastur e de Caja Murcia, poten­ciaría a presenza de Caixanova non só na comunidade galega, tamén noutras zonas de impor­tante desenvolvemento en España.

A folla de ruta da caixa con sede en Vigo fixouse no consello de administración celebrado en outubro en Pontevedra. Coméntannos que non é certo, como se publicou nalgúns medios, e non nestas páxinas, que na re­unión ordinaria do xoves pasado se falase da opción da fu­sión entre ambas as caixas. As fontes de Caixanova apun­tan que non se trata dun capri­cho persoal: a súa decisión se fun­damenta nun dobre informe, o primeiro asinado por Emilio Onti­veros, en nome de Analistas Fi­nancieros Internacionais (AFI), e o segundo de Deloitte, firma líder no campo da auditoría.Con todo, cualifican o infor­me de a Xunta como "insolvente e pouco serio", feito por "non se sa­be que expertos", e realizado á medida para que o presidente da Xunta tivese un soporte que defendese a súa idea da fusión. Cualifican de "presión escandalo­sa" a realizada por Núñez Feijóo e entenden que se trata dunha sub­versión sen precedentes.
Fuente y autor. S. RIVEIRO / galicia hoxe