A Lei de Caixas consolida o intevencionismo e a arbietrariedade da Xunta

O portavoz do Grupo Parlamentario dos Socialistas de Galicia, Xoaquín Fernández Leiceaga, criticou
que a Lei de Caixas "consolida o intervencionismo e abre a porta á arbitriariedade" da Xunta sobre os investimentos da obra social das entidades. Durante o debate en Pleno da Lei de Caixas lamentou que esta fora aprobada polo PP e o BNG "sen o consenso para evitar as tentacións partidistas" sobre as caixas galegas.

Leiceaga explicou o voto en contra dos socialistas galegos ao ser rexeitadas as 45 emendas dos socialistas galegos sobre un texto que, dixo, "só está reflectido integramente o PP, que por ter maioría impuxo as súas teses a pesares de partir dunha Lei presentada polo BNG". Advertiu que os nacionalistas admitiron cambios no texto á hora de eliminar as alusións ao FROB, o papel do Parlamento diante da fusións, renunciaron ao uso do galego e cambiaron a xubilación dos directivos de 65 a 70 anos, como pedían os "populares".

O responsable socialista dixo que as diverxencias afectan a aspectos básicos da nova Lei, que agora concede á Consellería de Economía e Facenda a facultade de autorizar previamente os investimentos da obra social que superen os 500.000 euros. Advertiu que abre a porta á "discrecionalidade á hora de autorizar estas partidas en función da cor política dos concellos".

A proposta socialista determina que o Parlamento aprobe un plan xeral da obra das caixas, substituíndo a "autorización previa" pola "comunicación á Consellería" de Facenda nos investimentos de máis de un millón de euros.

Explicou que as discrepancias mantéñense tamén no tocante á composición e forma de elección dos órganos de goberno, o que supón "lexislar contras os grandes concellos" ao diminuír a participación das entidades fundadoras. Nomeadamente dixo que "baixa notablemente a representación das entidades fundadoras, como no caso de Caixanova son as deputacións de Ourense e Pontevedra e o concello de Vigo".

Dixo tamén que a proposta permite que a Consellería de Facenda escolla 4 entidades sociais nun organismo con 16 membros, garantindo controlar o 25 por cento do mesmo, con tanto peso como os sindicatos e os empresarios.

O responsable socialista tamén criticou que o PP reduza a 6 meses o proceso de renovación dos estatutos e dos membros da dirección das entidades, o que obriga a "reformar os estatutos sen coñecer o regulamento que ten que aplicar". Advertiu que esta decisión é "fonte de dificultades de todo tipo" e reclamou a ampliación do prazo a 12 meses.

Fernández Leiceaga reclamou tamén facer públicos os salarios dos directivos das entidades para "aplicar o criterio de transparencia" en liña cos preceptos da Lei de Economía Sostible do Goberno central, proposta que foi rexeitada polo PP e o BNG.