O Concello da Coruña amplía a programación social e cultural para os máis de 80.000 usuarios dos centros cívicos municipais

O Concello da Coruña, a través da Concellaría de Servizos Sociais que dirixe Silvia Longueira, reforzará e ampliará este ano a programación de actividades dos centros cívicos municipais. Para iso, destinaranse en total 740.000 euros, co fin de ofrecer un variado programa para os máis de 80.000 usuarios que participan nas diversas actividades e cursos que organizan os centros da cidade.

A principal novidade deste ano 2010 será a entrada en funcionamento dos novos espazos escénicos nos centros de Labañou, Vos Mallos e San Diego. Tras as obras de mellora realizadas, nas que se investiron 450.000 euros, acondicionáronse estes centros para as artes escénicas e audiovisuais. Así, o Concello emprenderá unha interesante e innovadora programación social e cultural, mediante a representación de obras de teatro, concertos, espectáculos de danza e outras artes escénicas e cinematográficas.

O proxecto, a través dun convenio co Ministerio de Cultura, permitiu a renovación de espazos escénicos nestes tres centros da cidade.

No centro cívico de Labañou dotouse ao salón de actos dos aparellos de proxección e audio necesarios para realizar representacións audiovisuais. Trátase de crear un espazo escénico ambivalente, a iluminación de toda a sala poderá ser regulada en intensidade, con iluminación especial situada cerca do escenario. Tanto a iluminación como o son serán controlados desde unha cabina de control. Para iso, creouse unha cabina de control, e instaláronse unha pantalla eléctrica, un vídeo proxector, amplificador e diverso material audiovisual, ademais dunha mesa de mesturas e elementos de iluminación escénica e de electricidade.

O centro cívico de Vos Mallos contaba xa cunha sala arquitectónicamente apropiada para representacións escénicas, na sala de usos múltiples. Por tanto dotouse ao escenario de tramoya, mellora de iluminación escénica, teas e sistema audiovisual. E no centro cívico de San Diego tamén se adecuou o espazo escénico.

Aposta por novas tecnoloxías

A aposta do goberno municipal polas novas tecnoloxías plasmouse na ampliación das dotacións informáticas nos centros. Así, instaláronse 3 ciberaulas nos centros cívicos de Labañou, Vos Mallos e San Diego. Con iso, mellóranse as dotacións de alfabetización informática e dixital, amplíanse as actividades para o fomento do envellecemento activo, a aplicación de métodos innovadores no ensino de linguas estranxeiras e o fomento de actividade infantís lúdicas e educativas.

Doutra banda, a Concellaría de Servizos Sociais ampliou, co Plan de Investimento Municipal, o centro cívico de Monelos. Un investimento de 120.000 euros permitiu realizar unha reforma no centro co obxectivo de completar os seus servizos. Así, habilitouse un espazo de 100 metros cadrados en plántaa soto para convertelo en sala de usos múltiples. Ademais, realizouse o equipamento da zona de cociña e cubriuse o acceso entre as dúas partes do centro, ademais de mellorar o axardinamento do patio interior.

O Concello xa aprobou o programa de actividades dos centros cívicos, cun investimento de 400.000 euros, e adxudicouse á empresa Esproade SL, polo que neste mes iniciarase o proceso de inscrición nas actividades. Os cidadáns recibirán información sobre o proceso de acceso e participación a través da propia rede de centros cívicos, da páxina web municipal e do servizo de información 010.

Como cada ano, a programación da rede de centros cívicos abarca ámbitos da cultura, o lecer, a educación e a formación, que se concretan en accións de promoción psicosocial, educación social, promoción da vida sa, alfabetización dixital, actividades artísticas, etc, dirixidas tanto á poboación en xeral como a sectores específicos. Prográmanse máis de 300 actividades para os máis de 80.000 coruñeses que participan na programación.