Moreda, millonario, cando dimites? Deja de vivir de los ciudadanos!!! Méndez deixa a dirección

O director xeral de Caixa Galicia, José Luis Méndez, dimitirá do seu cargo na entidade de aforros para converterse en copresi­dente da nova caixa fu­sionada, xunto a Julio Fernández Gayoso, durante os primeiros 18 meses de andaina da caixa que agrupará a Caixa Galicia e Caixanova, segundo puido saber este xornal. Mén­dez ocupará durante ese tempo a presidencia da Comisión de Control para, tras o cambio rotatorio previsto no acordo de fusión, pasar a presidir a caixa fusionada.

O aínda director xeral de Caixa Galicia evitou onte pronunciarse sobre a súa con­tinuidade. "Hai tempo dabondo para pensalo", asegurou Méndez cando lle preguntaron, en declaracións ós medios de comu­nicación, sobre se o futuro pasa pola súa presenza na nova entidade. "Eu falo do presente", sinalou o di­rector xeral de Caixa Galicia, quen recordou que en setembro cumpre 65 anos, "e ata alá aínda hai tempo", engadiu. No entanto, insistiu Méndez en que a decisión sobre a súa continuidade na nova entidade deixaraa en mans dos seus compañeiros da cúpula de Caixa Gali­cia. O meu futuro "decídeo o consello de administra­ción", manifestou onte en sintonía coa prudencia que vén mantendo nos últimos tempos.

Recordar que a nova presidencia non ten capa­cidad executiva pero si poder de veto, e de voto de calidade, ante as decisións que marquen o futuro fi­nanciero da caixa.

"Só nos queda unha cousa: traballar", indicou

Aínda que onte Méndez non quixo aventurar nada, per­soas da súa contorna asegu­ráronlle a este xornal, o mesmo día en que se pechou o protocolo de fusión, que o aínda director xeral manteríase na nova en­tidade. As súas palabras, poucas horas logo do cumio de Monte Pío o martes pasado, foron claras: "Agora só nos queda unha cousa: traballar". Iso, segundo as fontes, significa que Mén­dez será un dos hom­es fortes da entidade.

Respecto do camiño que agora inicia conxuntamente con Caixanova, asegurou onte que Galicia "gañou" coa fusión da caixas. Méndez ex­presou tamén a súa "satisfac­ción persoal" polo acordo de fusión e sostivo que con el se colocou "a primeira pedra que algúns desde o ano 78 soña­ban con iso", afirmou. Así, sostivo que Galicia "deu un paso enorme" e destacou que o acordo o seu­pón "crear unha cultura nova" e unha "simbiose das dúas culturas", apuntou en relación ós criterios diferentes tanto de Caixa­nova como de Caixa Gali­cia. Méndez recoñeceu que foi unha operación finan­ciera "complexa" e "ardua" entre "competidores antonte" e advertiu de que agora se entra nunha etapa "onde os localismos que­dan atrás".

Insistiu en que o acordo entre as dúas caixas é "paritario" cando lle preguntaron polo feito de que o presidente de Caixanova, Julio Fer­nández Gayoso, asuma a primeira etapa da presi­dencia e que a sede operativa estea en Vigo. "O acordo asinouse paritariamente e o que é conveniente é establecer un criterio de complementariedade", apuntou o director xeral, porque "onde estea cada un será cuestión do traballo a desenvolver", sentenciou.

CHEGAR Ó FROB O protocolo, antes do 15 de xuño

Caixa Galicia e Caixanova continúan os contactos para avanzar no protocolo económico da súa fusión, que prevén ter pechado o próximo 15 de xuño, co fin de solicitar fondos do Fondo de Reestruturación Ordenada Bancaria (FROB), que estará vixente ata o 30 de xuño e ó que, durante as negociacións, calcularon que pedirán 1.162 millóns de euros.

Fontes próximas ás caixas de aforro indicaron que os responsables de ambas as entidades falan "continuamente" e apuran os traballos co fin de pechar canto antes o documento económico para chegar ás axudas.

CONTRA OS QUE O INSULTARON Caixanova gaba o papel de Gayoso

O presidente da Cámara de Comercio de Vigo e membro do consello de administración de Caixanova, José García Costas, enxalzou onte o presidente da caixa viguesa, Julio Fernández Gayoso, como "pedra angular da fusión das caixas (Caixa Galicia e Caixanova) e do que hai facer para que esa fusión teña éxito", ó tempo que censurou que, mentres o directivo foi "unha das persoas que máis fixo e máis participou" no proceso, "entre moita xente se dedicou grande parte do esforzo a maltratalo inmerecidamente, humillalo, vilipendiado e agredido", sentenciou.
Fuente: galicia hoxe