Reivindicación: Día de mobilización

O voceiro de Lingua do Grupo Parlamentario dos socialista, Francisco Cerviño, chamou onte á participación na "macromanifestación" do próximo 17 de maio, convocada pola plataforma Queremos Galego, para transformar o "día de celebración" das Letras Galegas "nun día de mobilización" ante as políticas "de ataque á lingua" do goberno de Alberto Núñez Feijóo.

En roda de prensa e acompañado polo voceiro de Educación do PSdeG, Guillermo Meijón, Cerviño asegurou que a implicación dos socialistas na protesta será contundente e que, con este obxectivo, o partido remitiu unha circular ás diferentes agrupacións locais "chamando a participar" na marcha e animando á celebración de diferentes accións. Entre as medidas previstas polo PSdeG, promoveranse actos, charlas e conferencias en localidades e municipios o eixe central dos cales será "a lingua" galega, que estarán dirixidas tanto a adultos coma "aos nenos".

O deputado socialista referiuse expresamente ao sector máis mozo da sociedade galega, para insistir en que os nenos son "o futuro da lingua" e destacar a importancia de que "establezan unha relación" no ámbito dos "sentimentos", sobre todo, tras constatarse unha menor "competencia" en lingua galega respecto ao castelán na xuventude.

Meijón, pola súa banda, avanzou que os socialistas presentaron unha interpretación con trámite de urxencia ante a Mesa do Parlamento motivada polo rexeitamento no Consello Escolar respecto ao decreto do plurilingüismo, elaborado pola Consellería de Educación e Ordenación Universitaria.

Deste modo, instarán o conselleiro de Educación, Jesús Vázquez, para explicar a causa de que "centos de folios críticos" de informes elaborados -polo Consello da Cultura ou a Real Academia Galega- sobre o borrador de decreto fosen a parar "á grande trituradora de papel" do seu despacho.

Así, reclamarán a Vázquez Abad que valore a postura "suficientemente crítica para tomar nota" de institucións e organismos como as universidades, sindicados e movementos de renovación pedagóxica, que decidiron "rexeitar" a proposta lingüística da Xunta.Finalmente, esixiranlle ao titular de Educación "que faga públicas" as razóns que o levaron a abandonar "un verdadeiro marco de consenso" sobre a lingua galega, que situou no Parlamento de Galicia a través da constitución dunha Comisión para propiciar ese novo marco.

O voceiro socialista augurou, ademais, "un gran caos" organizativo nos centros de ensino ao final deste curso e ao inicio do próximo, tras considerar que a Xunta "non está a facer ben os seus deberes". Por iso, Meijón instou a Consellería para escoitar as críticas da "comunidade educativa" e evitar que se rexistre esta situación ou, pola contra, o "gran culpable" será Vázquez Abad por non articular as medidas oportunas.

Hoxe plenario da Plataforma Queremos Galegos

A propia plataforma, formada por varios colectivos, celebrará hoxe o seu plenario Queremos Galego o seu plenario co obxectivo de "ter todo preparado" para unha mobilización de "dimensións históricas" o día 17. O órgano de goberno dará lectura a unha declaración na que pedirá un apoio social masivo para o galego e a cultura do país "nun momento de especial belixerancia e irresponsabilidade contra ambas" por parte da Xunta.
Fuente: Galicia hoxe