A Deputación da Coruña destina 240.000 euros para financiar diversas actividades do Concello da Coruña

Javier Losada, miembro de la ejecutiva gallega del PSdeG-PSOE, forma parte de la corporación municipal de A Coruña desde el año 1983, desempeñando diversos cargos entre ellos Primer Teniente de Alcalde. En el año 2006 sucede en la alcaldía a Francisco Vázquez tras ser este designado embaixador en el Vaticano. Tambien es Senador.

Moreda en 1973 ingreso en el PSOE y en UGT. Diputado en el Congreso de los Diputados (1979-1996), senador (1996-2000), concelleiro de A Coruña desde 1987, presidente de la Diputación de A Coruña (1989-1995 y de nuevo desde 2003), Vicepresidente de Caixa Galicia, Miembro del Consejo de Administración y de la Comisión delegada de Caixa Galicia y secretario general provincial del PSDG-PSOE en A Coruña, etc, etc.

A Deputación da Coruña destinará 240.000 euros para financiar diversas actividades de promoción económica e de dinamización xuvenil e lingüística do Concello da Coruña. Así se estipula nos convenios subscritos esta mañá, na sede da institución provincial polo presidente da Deputación, Salvador Fernández Moreda, e o alcalde coruñés, Javier Losada.

En concreto, na área de promoción económica, a Deputación da Coruña destinará 120.000 euros para colaborar co concello coruñés na campaña de promoción nos mercados municipais, no III salón Alén Coruña Outlet, e na campaña de consumo da Oficina Municipal de Información ao Consumidor (OMIC). A Achega provincial representa o 80% do orzamento total destes programas, cuxo investimento ascende a 152.000 euros. Os restantes 32.000 euros serán achegados polo Concello da Coruña.

A campaña de promoción dos mercados municipais, que xa se veu desenvolvendo nos dous últimos anos, entregaralles aos clientes regalos promocionais, carros da compra de balde, e vales que se poderán cambiar por produtos nos propios mercados, todo iso co obxectivo de impulsar as vendas, fidelizar os clientes habituais e mellorar a imaxe dos mercados coruñeses entre a cidadanía.

A Deputación da Coruña colaborará tamén na organización da III edición do salón Alén Coruña Oulet, que contou cunha importante afluencia de público nas súas anteriores edicións, e que este ano se desenvolverá en PALEXCO os días 8, 9 e 10 de outubro, concentrando a máis de 80 comercios de sectores tan diversos como téxtil, xoiería, complementos, óptica ou artesanía.

Este ano, ademais de apoiar o pequeno comercio e ofertarlles aos cidadáns a posibilidade de adquirir produtos a prezos sensiblemente rebaixados, o Salón Outlet Coruña incluirá accións de apoio á hostalería para promocionar entre os clientes do salón o consumo nestes establecementos.

Así mesmo, parte do financiamento provincial empregarase para financiar diversas actividades da Oficina Municipal de Información ao Consumidor (OMIC) como a campaña "No Nadal compra con responsabilidade", que incluirá un estudo para coñecer o grao de coñecementos dos consumidores dos seus dereitos e obrigas; os talleres de consumo que a OMIC organizará en colexios, asociacións de veciños e centros cívicos da cidade, e a edición dunha guía sobre consumo, dirixida aos comerciantes da cidade.

Dinamización xuvenil e lingüística

Salvador Fernández Moreda e Javier Losada asinaron tamén un convenio para financiar as actividades de dinamización xuvenil e lingüística do Concello da Coruña, que tamén contarán cunha achega provincial doutros 120.000 euros, o que supón o 80% do orzamento total do programa, que ascende a 150.000 euros. Os restantes 30.000 euros serán achegados polo Concello da Coruña.

O programa concrétase en dúas liñas de acción: a iniciativa "O galego medra contigo" e a creación dun programa de dinamización e creación xuvenil.

O programa O galego medra contigo! inclúe actividades de animación ao emprego do galego nos centros públicos de primaria e secundaria da Coruña, así como actividades culturais destinadas a toda a familia como contacontos, obradoiros infantís, e obradoiros de galego destinados a familias recentemente chegadas.

O programa de dinamización xuvenil pretende ofertar un programa de actividades (audiovisuais, literarias, musicais, expositivas,...), que fomenten un lecer creativo e saudable entre a mocidade da cidade, así como favorecer o encontro e convivencia entre a mocidade coruñesa.