Louro sacrifica o seu cargo e optará á alcaldía pontevedresa

A ruleta socialista que xi­raba sen fin para a elección do candidato á alcal­día de Pontevedra parou o venres á última hora da noite. Unha nova con­versación entre o secreta­rio provincial do PSdeG, Modesto Pose, e o delega­do do Goberno en Galicia, Antón Louro, acabou por arroxar luz verde a unha situación enquistada.

Louro, disciplinado e sensible ás demandas da organización socialista, tanto da galega como da provincial e da lo­cal, optou por "sacrificar" a súa cómoda posición institu­cional como delegado do Goberno en Galicia, para encabezar a candidatura co obxecto de evitarlle un tropezón ó partido.

Louro e a súa contorna ven o alcalde nacionalista, Miguel Anxo Fernández Lo­res, recuperado, tras un arrinque moi débil de le­xislatura. Con Lores forte, o obxectivo da cabeza de lis­ta do PSdeG pasa por dar máis aire en Pontevedra unha organización que de forma global en España pasa por momentos malos debido á crise económica.

O PSdeG trata de pechar así o paso á alcaldía ó popular Telmo Martín, que nos comicios de hai catro anos quedou a un puñado de votos da ma­ioría absoluta.

No entanto, e aínda que de entrada recoñecen que parece difícil o reto de des­bancar a Miguel Anxo Fer­nández Lores, con Louro os socialistas non descar­tan de ningún xeito esa meta para o 22 do próxi­mo mes de maio.

Louro relevará á fronte da lista a actual tenente de alcalde, Teresa Casal, que fai mañá unha semana que se apartou publica­mente da carreira polas urnas e deixou en mans da agrupación local a elec­ción do seu sucesor.

O actual delegado do Goberno anúnciase con to­da certeza mañá, luns, de forma oficial, a súa candi­datura. A organización espera que dado o seu peso entre os socialistas ponte­vedreses, o sector crítico que recolleu sinaturas para a celebración das primarias abandone as súas preten­sións, co doutor José Nogueira á cabeza.

Meijón e Valcárcel, non

Os dous nomes que soaron nun principio como remuda de Teresa Casal na candidatora socialista por Pontevedra foron o deputado Guillermo Meijón e o edil de Rural José Manuel Valcárcel, xa descartados. A maquinaria organizativa do Pino xa tiña claro o seu candidato, o actual delegado do Goberno Antón Louro.
Fuente y autor: XAIME LEIRO /Galicia hoxe