Malestar sindical polas "formas" na entrega dos papeis do ERE das caixas

Representantes das caixas, encabezados polos responsables de recursos humanos, entregáronlle onte ós sindicatos a documentación sobre o expediente de regulación de emprego (ERE) a través do que se fará o recorte de 1.200 empregos previsto coa fusión. A cita foi no auditorio cultural de Caixa Galicia en Santiago -elixiron unha sala grande, dado que estaban convocados máis de douscentos delegados sindicais- e os responsables das dúas entidades de crédito fixeron entrega dun CD coa memoria explicativa do ERE, os motivos, a información económica e outros documentos para dar cumprimento ós requisitos legais establecidos nestes procesos. As partes están convocadas para un segundo encontro o vindeiro mércores.

Os representantes de CIG, UXT e Csica manifestaron o seu desacordo coa forma de presentar a documentación e queixáronse de que non se entregase en papel. Así mesmo, o responsable de CIG-Banca, Clodomiro Montero, advertiu de que estudará cos servizos xurídicos a posibilidade de impugnar este primeiro acto. Tanto Juan Quicler (de Csica) como José Ramón de Prego-Valdés censuraron as "malas formas" dos directivos. "Foi unha tomadura de pelo", queixouse o representante de UXT, que avanzou a intención desta formación de non acudir á próxima reunión en sinal de protesta.

Pola súa banda, o voceiro de Comisións Obreiras na negociación no neste proceso de extinción de empergo, Luis Mariño, indicoulle a Europa Press que, dado o volume de información recompilado, sintetízase no CD". "Simplemente é unha reunión multitudinaria para recoller a documentación e iniciar o proceso", sinalou e matizou que se trata dun acto "formal e preceptivo legalmente".

Así, explicou que os sindicatos que o consideren poderán presentar as súas alegacións. Para a aprobación final do ERE, que lle corresponde ó Ministerio de Traballo, previa consulta á Xunta, é necesario un informe favorable da maioría sindical, agregou Mariño, que considerou que o aval de CCOO e Csica -as dúas organizacións que asinaron o pacto laboral e que representan ó 65 por cento do persoal conxunto de Caixa Galicia e Caixanova- sería suficiente.

Por separado para cada unha das entidades

O expediente prepárase "por separado por cada entidade pero para aplicación desde a entidade única", pois a caixa fusionada non está formalmente constituída. O obxectivo do proceso é "acelerar os prazos" para que todas as partes da fusión culminen canto antes. "O acordo laboral ten unha maioría estable", concluíu. Dende Comisións Obreiras, a pesar de que se queixaron de que as formas os perden -ós directivos das caixas- e fallouse na educación á hora de entregar a documentación do ERE", sinalouse que non hai cambios na postura deste sindicato respecto do pacto laboral, aínda que "hai algunhas dúbidas" que resolver.

Manifestación contra o recorte

A CIG convocou unha protesta á hora da reunión, á que asistiron, segundo o propio sindicato, ao redor de medio centenar de delegados de persoal, que manifestaron o seu descordo co ERE e a forma de abordar o recorte de persoal nas caixas. O acordo, dixo Clodomiro Montero, afecta as condicións dos traballadores que permanecerán na caixa fusionada e busca un "desmantelamento para a privatización" da entidade que resulte da unión. Ademais, criticaron que os directivos de Caixanova "subiron o soldo", a pesar de "estar despedindo xente".
Fuente: Galicia hoxe