Lage publica o seu patrimonio e quere que se estenda o exemplo

Doce días despois de que dese a coñecer a súa nómina, o deputado socialista José Manuel Lage daba un paso máis. A través do seu blog persoal, o parlamentario autonómico publicou onte un resumo do seu patri­monio para animar o res­to de políticos a que fagan o mesmo. Lage presentou o 19 de xaneiro unha proposta para que o Goberno auto­nómico redacte unha lei que regule a publicidade dos bens, rendas, actividades e intereses dos cargos públicos.

Segundo o documento achegado, Lage tivo uns ingresos de 55.524 euros en 2010. O deputado ten, ademais, diñeiro investi­do na Bolsa -case 50.000 euros en Telefónica e algo máis de 2.500 en Criteria-, que lle reportou uns 2.700 euros máis de beneficios. É propietario dun piso en Noia e da metade doutro na Coruña e débelle a Novacaixagalicia 166.000 euros pola hipoteca. La­ge, que conduce un Audi A-4, dispón ademais duns 30.000 euros na súa conta corrente.

Coa publicación dos seus bens, Lage lanzaba onte a pelota ó tellado do PP. Segundo o socialista, os po­pulares rexeitan que sexa obrigatorio difundir o pa­trimonio. "¿Que lles teñen que ocultar ós galegos Feijóo e o seu goberno?" pregúntase o deputado no seu blog.

En declaracións a Eu­ropa Press, o voceiro parlamentario do PPdeG consideraba onte que en Galicia "as condicións de transparencia son máxi­mas". Manuel Ruiz Rivas recordaba que "todos" os deputados xa teñen que dar conta dos seus bens para "o control por parte dos organismos" que estable­ce a lei, aínda que afirmaba que "co tempo" irase avanzando para que estean á disposición de todos os cidadáns.

Desde o BNG, non obstante, apoian a idea dos socialistas. O seu voceiro par­lamentario, Carlos Aymeri­ch, mostrábase partidario de que se apoie a regula­mento da Cámara para que se publiquen os be­ns. Aymerich referíase tamén ó debate aberto polo presidente da Xun­ta, Alberto Núñez Feijóo, quen asegurou cobrar me­nos que un deputado au­tonómico. "Non é certo", sinalou para recordar que "os soldos son transpa­rentes". O máximo man­datario cobra "uns 75.000 euros" fronte ós 60.000 que percibe un parlamen­tario "incluída quilome­traxe", asegurou Aymerich. "O problema", sinalou, non é "a nómina", senón o pa­trimonio, xa que este, en ocasións, é "dificilmente xustificable co soldo".

Pola súa banda, o porta­voz socialis­ta, Abel Losada, reivindicou que o seu partido foi o impul­sor das medidas en favor da publicación dos sa­larios e o patrimonio dos representantes públi­cos co convencemento de que "os discursos da antipolítica se nutren da falta de transparencia". Por iso, considerou que "a máxima transparencia é irreversible" para os políticos.
Fuente y autor: N. SEQUEIRO /Galicia hoxe